ಕನ್ನಡ ಸಾಮ್ರಾಟ್ – ವಿಶೇಷ ವರದಿ
ಎಸ್ಎಸ್ಎಲ್ಸಿ ಫಲಿತಾಂಶ: ರಾಮಚಂದ್ರ ಪ್ರೌಢಶಾಲೆಗೆ ಶೇ. 91ರ ಅತ್ಯಮೋಘ ಸಾಧನೆ; ಮಿಂಚಿದ ಪ್ರತಿಭೆಗಳು
ವರದಿ: ಕನ್ನಡ ಸಾಮ್ರಾಟ್ ನ್ಯೂಸ್ ಡೆಸ್ಕ್
ಎಸ್ಎಸ್ಎಲ್ಸಿ ಪರೀಕ್ಷಾ ಫಲಿತಾಂಶ ಪ್ರಕಟವಾಗಿದ್ದು, ರಾಮಚಂದ್ರ ಪ್ರೌಢಶಾಲೆಯ ವಿದ್ಯಾರ್ಥಿಗಳು ತಮ್ಮ ಕಠಿಣ ಪರಿಶ್ರಮ ಹಾಗೂ ಛಲದ ಮೂಲಕ ಅತ್ಯುತ್ತಮ ಸಾಧನೆ ಮೆರೆದಿದ್ದಾರೆ. ಈ ಬಾರಿ ಶಾಲೆಯು ಒಟ್ಟಾರೆ ಶೇಕಡಾ 91ರಷ್ಟು ಅದ್ಭುತ ಫಲಿತಾಂಶವನ್ನು ದಾಖಲಿಸುವ ಮೂಲಕ ಪೋಷಕರ ಹಾಗೂ ಶಿಕ್ಷಕರ ಮುಖದಲ್ಲಿ ಮಂದಹಾಸ ಮೂಡಿಸಿದೆ.
ಮಿಂಚಿದ ಶಾಲೆಯ ತಾರೆಗಳು:
ಶೈಕ್ಷಣಿಕ ವರ್ಷದ ನಿರಂತರ ಅಧ್ಯಯನಕ್ಕೆ ತಕ್ಕ ಪ್ರತಿಫಲ ಒಲಿದಿದ್ದು, ಶಾಲೆಯ ವಿದ್ಯಾರ್ಥಿನಿಯರು ಮುಂಚೂಣಿಯಲ್ಲಿ ಸಾಧನೆ ಮಾಡಿದ್ದಾರೆ.
ಸರಸ್ವತಿ: 535 ಅಂಕಗಳು (ಶೇ. 86%) – ಶಾಲೆಗೆ ಪ್ರಥಮ ಸ್ಥಾನ
ವಿನೋದ: 520 ಅಂಕಗಳು (ಶೇ. 83%) – ದ್ವಿತೀಯ ಸ್ಥಾನ
ಸಂಜನಾ: 491 ಅಂಕಗಳು (ಶೇ. 79%) – ತೃತೀಯ ಸ್ಥಾನ
ಐಶ್ವರ್ಯ: 487 ಅಂಕಗಳು (ಶೇ. 78%)
ಸುನಿತಾ: 439 ಅಂಕಗಳು (ಶೇ. 70%) ಮಾಲಾಶ್ರೀ 431 ಅಂಕಗಳು (ಶೇ 69%)
ಉತ್ತಮ ದರ್ಜೆಯ ಸಾಧನೆ:
ವಿದ್ಯಾರ್ಥಿಗಳ ಗುಣಮಟ್ಟದ ಕಲಿಕೆಗೆ ಸಾಕ್ಷಿಯಾಗಿ, ಶಾಲೆಯ ಒಟ್ಟು 12 ವಿದ್ಯಾರ್ಥಿಗಳು ಪ್ರಥಮ ದರ್ಜೆಯಲ್ಲಿ (First Class) ಅತ್ಯುನ್ನತ ಶ್ರೇಣಿಯೊಂದಿಗೆ ಉತ್ತೀರ್ಣರಾಗಿದ್ದರೆ, 13 ವಿದ್ಯಾರ್ಥಿಗಳು ದ್ವಿತೀಯ ದರ್ಜೆಯಲ್ಲಿ (Second Class) ತೇರ್ಗಡೆಯಾಗಿ ಶಾಲೆಯ ಕೀರ್ತಿ ಪತಾಕೆಯನ್ನು ಹಾರಿಸಿದ್ದಾರೆ.
ಆಡಳಿತ ಮಂಡಳಿ ಹಾಗೂ ಶಿಕ್ಷಕರ ಹರ್ಷ:
ಮಕ್ಕಳ ಈ ಭವ್ಯ ಸಾಧನೆಗೆ ಸಂಸ್ಥೆಯ ಅಧ್ಯಕ್ಷರಾದ ಶ್ರೀಮತಿ ಮಹಾದೇವಿ ವಿಠಲ್ ಚವ್ಹಾಣ ಅವರು ಅತೀವ ಸಂತಸ ವ್ಯಕ್ತಪಡಿಸಿದ್ದು, ವಿದ್ಯಾರ್ಥಿಗಳ ಉಜ್ವಲ ಭವಿಷ್ಯಕ್ಕೆ ಶುಭಕೋರಿದ್ದಾರೆ.
”ವಿದ್ಯಾರ್ಥಿಗಳ ಈ ಯಶಸ್ಸು ಅವರ ಶ್ರದ್ಧೆ, ಪೋಷಕರ ಬೆಂಬಲ ಹಾಗೂ ನಮ್ಮ ಶಿಕ್ಷಕರ ನಿರಂತರ ಮಾರ್ಗದರ್ಶನದ ಫಲಿತಾಂಶವಾಗಿದೆ” ಎಂದು ಶಾಲೆಯ ಮುಖ್ಯ ಗುರುಗಳಾದ ಶ್ರೀ ರಾಜಶೇಖರ ಮುಸ್ತಾರಿ ಹಾಗೂ ಸಮಸ್ತ ಸಿಬ್ಬಂದಿ ವರ್ಗದವರು ಹರ್ಷ ವ್ಯಕ್ತಪಡಿಸಿ, ಸಾಧಕ ವಿದ್ಯಾರ್ಥಿಗಳಿಗೆ ಅಭಿನಂದನೆ ಸಲ್ಲಿಸಿದ್ದಾರೆ.
ಹೆಚ್ಚಿನ ಶೈಕ್ಷಣಿಕ ಸುದ್ದಿಗಳು ಮತ್ತು ಕ್ಷಣ ಕ್ಷಣದ ಮಾಹಿತಿಗಾಗಿ ಓದುತ್ತಿರಿ.. ನಿಮ್ಮ ನೆಚ್ಚಿನ ‘ಕನ್ನಡ ಸಾಮ್ರಾಟ್’ ಡಿಜಿಟಲ್ ವಾರ್ತಾ ಜಾಲತಾಣ
