ಭಾರತದಲ್ಲಿ ಕೂಡ ಒಬ್ಬ ಪೌರಾಣಿಕ ಕವಿ ಹಾಗೂ ನಾಟಕಕಾರರು ತಮ್ಮ ಅದ್ಭುತ ಕೃತಿಗಳಿಗೆ ಹೆಸರುವಾಸಿಯಾಗಿದ್ದಾರೆ. ಇವರು ಕೂಡ ಶೇಕ್ಸ್ಪಿಯರ್ನಂತೆಯೇ ತಮ್ಮ ಬರಹ ಹಾಗೂ ಕಾವ್ಯಗಳಿಗೆ ಹೆಸರುವಾಸಿಯಾಗಿದ್ದಾರೆ.
ಅವರ ಬರಹಗಳು ಪ್ರೀತಿ, ಪ್ರಕೃತಿ ಮತ್ತು ಆಳವಾದ ಭಾವನೆಗಳನ್ನು ಸುಂದರವಾಗಿ ವ್ಯಕ್ತಪಡಿಸುತ್ತವೆ, ಇದು ಅವರನ್ನು ಭಾರತದ ಅತ್ಯಂತ ಮೆಚ್ಚುಗೆ ಪಡೆದ ಸಾಹಿತ್ಯ ವ್ಯಕ್ತಿಗಳಲ್ಲಿ ಒಬ್ಬರನ್ನಾಗಿ ಮಾಡುತ್ತದೆ. ಹಾಗೂ ಭಾರತದ ಶೇಕ್ಸ್ಪಿಯರ್ ಎಂಬ ಬಿರುದು ಅವರಿಗೆ ಲಭಿಸಿದೆ.
ವಿಲಿಯಂ ಶೇಕ್ಸ್ಪಿಯರ್ ಪ್ರಸಿದ್ಧ ಇಂಗ್ಲಿಷ್ ನಾಟಕಕಾರ, ಕವಿ ಮತ್ತು ನಟರಾಗಿ ಖ್ಯಾತಿ ಪಡೆದವರು. ಅವರು ಇತಿಹಾಸದ ಶ್ರೇಷ್ಠ ಬರಹಗಾರರಲ್ಲಿ ಒಬ್ಬರೆಂದು ಪ್ರಸಿದ್ಧರಾಗಿದ್ದಾರೆ.
ಅವರು 39 ನಾಟಕಗಳು, 154 ಸಾನೆಟ್ಗಳು ಮತ್ತು ದೀರ್ಘ ಕವಿತೆಗಳನ್ನು ಬರೆದಿದ್ದಾರೆ, ಇವುಗಳನ್ನು ಇನ್ನೂ ಪ್ರಪಂಚದಾದ್ಯಂತ ಜನರು ಓದುತ್ತಾರೆ ಹಾಗೂ ಶೇಕ್ಸ್ಪಿಯರ್ ಅನ್ನು ಆರಾಧಿಸುತ್ತಾರೆ ಅವರ ಕೃತಿ, ಬರಹಗಳು, ನಾಟಕಗಳನ್ನು ಇಂದಿಗೂ ಪ್ರದರ್ಶಿಸಲಾಗುತ್ತಿದ್ದು, ಶೇಕ್ಸ್ಪಿಯರ್ ಅನ್ನು ಆರಾಧಿಸುವ ಜನಸಮೂಹ ಕೂಡ ಇದೆ.
ಅವರ ಕೃತಿಗಳನ್ನು ಅನೇಕ ಭಾಷೆಗಳಿಗೆ ಅನುವಾದಿಸಲಾಗಿದ್ದು, ಅವರನ್ನು ಇಂಗ್ಲೆಂಡ್ನ ರಾಷ್ಟ್ರೀಯ ಕವಿ ಮತ್ತು ಆವನ್ನ ಬಾರ್ಡ್ ಎಂದು ಕರೆಯಲಾಗುತ್ತದೆ. ಅವರ ಕಥೆಗಳು ಮತ್ತು ಪಾತ್ರಗಳು ಇಂದಿಗೂ ಜನರನ್ನು ಪ್ರೇರೇಪಿಸುತ್ತಲೇ ಇವೆ ಹಾಗಾಗಿಯೇ ಶೇಕ್ಸ್ಪಿಯರ್ ಜನರ ಮನಸ್ಸಿನಲ್ಲಿ ಅಚ್ಚಳಿಯದ ನೆನಪುಗಳಿಗೆ ಕಾರಣವಾಗಿದ್ದಾರೆ.
ಸಂಸ್ಕೃತ ಸಾಹಿತ್ಯಕ್ಕೆ ಕವಿ ಕಾಳಿದಾಸ ನೀಡಿದ ಅಸಾಧಾರಣ ಕೊಡುಗೆಗಾಗಿ ಅವರನ್ನು “ಭಾರತದ ಶೇಕ್ಸ್ಪಿಯರ್” ಎಂದು ಕರೆಯಲಾಗುತ್ತದೆ.
ಕಾಳಿದಾಸನ ಕುರಿತಾದ ಚಲನಚಿತ್ರಗಳು ಕೂಡ ಕನ್ನಡ ಸಿನಿಕ್ಷೇತ್ರದಲ್ಲಿವೆ. ಅವರು ಪ್ರವರ್ತಕ ಕವಿ ಮತ್ತು ನಾಟಕಕಾರರಾಗಿದ್ದರು, ಭಾರತೀಯ ಇತಿಹಾಸದಲ್ಲಿ ಕೆಲವು ಅತ್ಯುತ್ತಮ ಕೃತಿಗಳನ್ನು ರಚಿಸಿದರು. ಅವರ ಬರಹಗಳು ಭಾರತೀಯ ಸಂಸ್ಕೃತಿ ಮತ್ತು ಪುರಾಣಗಳಿಂದ ಆಳವಾಗಿ ಪ್ರಭಾವಿತವಾಗಿವೆ. ಶೇಕ್ಸ್ಪಿಯರ್ನಂತೆ ಕವಿ ಕಾಳಿದಾಸ ಕೂಡ ಅನೇಕ ಕವಿತೆ, ಬರಹಗಳನ್ನು ಬರೆದಿದ್ದಾರೆ. ಆ ಕಾಲದ ಮಹಾನ್ ಕಲಾವಿದರಲ್ಲಿ ಕವಿರತ್ನ ಕಾಳಿದಾಸ ಕೂಡ ಒಬ್ಬರಾಗಿದ್ದರು. ಅವರನ್ನು ಕವಿರತ್ನ ಎಂದೇ ಸಂಬೋಧಿಸಲಾಗುತ್ತಿತ್ತು.
ಕಾಳಿದಾಸ ಒಬ್ಬ ಪ್ರಾಚೀನ ಭಾರತೀಯ ಕವಿ ಮತ್ತು ನಾಟಕಕಾರ, ಸಂಸ್ಕೃತ ಸಾಹಿತ್ಯದ ಶ್ರೇಷ್ಠ ವ್ಯಕ್ತಿಗಳಲ್ಲಿ ಒಬ್ಬರೆಂದು ವ್ಯಾಪಕವಾಗಿ ಪರಿಗಣಿಸಲಾದ ವ್ಯಕ್ತಿಯಾಗಿದ್ದಾರೆ. ಅವರು 4 ನೇ – 5 ನೇ ಶತಮಾನದಲ್ಲಿ, ಹೆಚ್ಚಾಗಿ ಗುಪ್ತರ ಅವಧಿಯಲ್ಲಿ ವಾಸಿಸುತ್ತಿದ್ದರು. ಅವರ ಕೃತಿಗಳು ಮುಖ್ಯವಾಗಿ ಹಿಂದೂ ಪುರಾಣಗಳು ಮತ್ತು ತತ್ವಶಾಸ್ತ್ರವನ್ನು ಆಧರಿಸಿವೆ.
ಅವರ ಜೀವನದ ಬಹುಪಾಲು ವಿಷಯ ತಿಳಿದಿಲ್ಲವಾದರೂ, ಅವರ ಉಳಿದಿರುವ ಕೃತಿಗಳಲ್ಲಿ ಮೂರು ನಾಟಕಗಳು, ಎರಡು ಮಹಾಕಾವ್ಯಗಳು ಮತ್ತು ಎರಡು ಸಣ್ಣ ಕವಿತೆಗಳು ಸೇರಿವೆ. ಕಾಳಿದಾಸನನ್ನು ದಾಸಮ್ ಗ್ರಂಥದಲ್ಲಿ ಏಳು ಬ್ರಹ್ಮ ಅವತಾರಗಳಲ್ಲಿ ಒಂದಾಗಿ ಉಲ್ಲೇಖಿಸಲಾಗಿದೆ.
ಕಾಳಿದಾಸರು ಅನೇಕ ಸಾಹಿತ್ಯ, ಕೃತಿಕಗಳು, ನಾಟಕಗಳನ್ನು ಬರೆದಿದ್ದಾರೆ ಅದರಲ್ಲಿ ಪ್ರಮುಖವಾದ ಕೃತಿಗಳು ಹೀಗಿವೆ
ಕಾಳಿದಾಸನ ಸಾಹಿತ್ಯ ಕೃತಿಗಳು ಇಲ್ಲಿವೆ:
- ಕುಮಾರಸಂಭವ
- ರಘುವಂಶ
- ಮೇಘದೂತ
- ಶ್ಯಾಮಲಾ ದಂಡಕಂ
- ಅಭಿಜ್ಞಾನಸಕುಂತಲಮ್
- ಮಾಳವಿಕಾಗ್ನಿಮಿತ್ರಮ್
- ವಿಕ್ರಮೋರ್ವಸಿಯಂ
February 21, 2025 3:24 PM IST
