ಭಾರತದ 8 ಅತ್ಯುತ್ತಮ ಸ್ಟ್ರೀಟ್ ಫುಡ್ ಡೆಸ್ಟಿನೇಷನ್

ಒಂದೊಂದು ರಾಜ್ಯದಲ್ಲಿ ಒಂದೊಂದು ಸ್ಟ್ರೀಡ್‌ಫುಡ್‌ ಫೇಮಸ್‌ ನಮ್ಮಲ್ಲಿ. ಹಾಗಿದ್ರೆ ಇಲ್ಲಿ ದೇಶದಾದ್ಯಂತ ಸ್ಟ್ರೀಡ್‌ಫುಡ್‌ಗಳಿಗೆ ಹಾಟ್‌ಸ್ಪಾಟ್‌ ಆಗಿರುವ ಕೆಲ ತಾಣಗಳು ಯಾವುವು ಅಂತಾ ನೋಡೋಣ.

ದೆಹಲಿಯನ್ನು ಬೀದಿ ಆಹಾರದ ರಾಜಧಾನಿ ಅಂದ್ರೆ ತಪ್ಪಾಗಲ್ಲ. ಇಲ್ಲಿ ಸಿಗುವ ಚೋಲೆ ಬಟೂರೆನಿಂದ ಹಿಡಿದು ಗರಿಗರಿಯಾದ ಗೋಲ್‌ಗಪ್ಪಾದವರೆಗೆ ಅನೇಕ ಬಗೆಗಳಿವೆ. ದೆಹಲಿಗೆ ಹೋದರೆ ಸ್ಟ್ರೀಟ್‌ಫುಡ್‌ ಸವಿಯಲು ಚಾಂದಿನಿ ಚೌಕ್ ಮತ್ತು ಕನ್ನಾಟ್ ಪ್ಲೇಸ್‌ಗೆ ಮಿಸ್‌ ಮಾಡದೇ ಹೋಗಬೇಕು.

ಮುಂಬೈನ ಗದ್ದಲದ ಬೀದಿಗಳ ನಡುವೆಯೇ ಘಮಘಮಿಸೋದು ಇಲ್ಲಿ ಸಿಗುವ ಆಹಾರಗಳು. ವಡಾ ಪಾವ್, ಪಾವ್ ಭಾಜಿ ಮತ್ತು ಮಿಸಲ್ ಪಾವ್‌ನಂತಹ ಅನೇಕ ಆಹಾರಗಳು ನಾಲಿಗೆಯನ್ನು ತೃಪ್ತಿ ಪಡಿಸುತ್ತವೆ.

ಕೋಲ್ಕತ್ತಾದ ಸ್ಟ್ರೀಟ್‌ಫುಡ್‌ ಗರಿಗರಿಯಾದ ಪುಚ್ಕಾಗಳಿಂದ ಮಸಾಲೆಯುಕ್ತ ಕಥಿ ರೋಲ್‌ಗಳವರೆಗೆ ಎಲ್ಲವಕ್ಕೂ ಫೇಮಸ್.‌ ಪಾರ್ಕ್ ಸ್ಟ್ರೀಟ್ ಮತ್ತು ನ್ಯೂ ಮಾರ್ಕೆಟ್‌ನಲ್ಲಿ ನಿಮಗೆ ಇಷ್ಟವಾಗುವ ಎಲ್ಲಾ ಬಗೆಯ ರೋಲ್‌ಗಳು, ಜಲ್ಮುರಿಗಳು ಸಿಗುತ್ತವೆ.

ಲಕ್ನೋದ ಬೀದಿಗಳು ಆಹಾರ ಪ್ರಿಯರಿಗೆ ಸ್ವರ್ಗವಾಗಿದ್ದು, ಬಾಯಲ್ಲಿ ನೀರೂರಿಸುವ ಟುಂಡೆ ಕಬಾಬ್‌ಗಳು, ಬಾಸ್ಕೆಟ್ ಚಾಟ್ ಮತ್ತು ಕುಲ್ಫಿ ಫಲೂದಾಗಳು ನಿಮಗಿಲ್ಲಿ ಲಭ್ಯವಾಗುತ್ತವೆ. ಲಕ್ನೋದಲ್ಲಿ ಅಮೀನಾಬಾದ್ ಮತ್ತು ಹಜರತ್‌ಗಂಜ್ ಸ್ಟ್ರೀಟ್‌ಫುಡ್‌ಗಳಿಗೆ ಫೇಮಸ್‌ ಆದ ಡೆಸ್ಟಿನೇಷನ್‌ಗಳಾಗಿವೆ.

ಹೈದರಾಬಾದ್‌ನ ಬೀದಿ ಆಹಾರವು ಆರೊಮ್ಯಾಟಿಕ್ ಬಿರಿಯಾನಿ, ಹಲೀಮ್ ಮತ್ತು ಇರಾನಿ ಚಾಯ್‌ನಿಂದ ಶ್ರೀಮಂತಗೊಂಡಿದೆ. ಚಾರ್ಮಿನಾರ್ ಮತ್ತು ಸಿಂಧಿ ಕಾಲೋನಿಗಳು ಅಧಿಕೃತವಾದ ಸ್ಥಳೀಯ ರುಚಿಯನ್ನು ನಿಮಗೆ ನೀಡುತ್ತವೆ.

ಚೆನ್ನೈನ ಬೀದಿ ಆಹಾರವು ಗರಿಗರಿಯಾದ ದೋಸೆ, ಮೃದುವಾದ ಇಡ್ಲಿ ಮತ್ತು ಕರಾವಳಿ ವಿಶೇಷತೆಗಳ ಮಿಶ್ರಣವನ್ನು ಉಣಬಡಿಸುತ್ತದೆ. ಮರೀನಾ ಬೀಚ್ ಮತ್ತು ಸೌಕಾರ್ಪೆಟ್‌ ಚೆನ್ನೈನ ಹಾಟ್‌ಸ್ಪಾಟ್‌ ಆಗಿದ್ದು ಒಮ್ಮೆಯಾದರೂ ಇಲ್ಲಿ ಸಿಗುವ ಆಹಾರಗಳನ್ನು ನೀವು ಟೇಸ್ಟ್‌ ಮಾಡಬೇಕು.

ಅಮೃತಸರದ ಬೀದಿ ಆಹಾರವು ಕುಲ್ಚಾಗಳಿಂದ ಕೆನೆ ಲಸ್ಸಿಯವರೆಗೆ ಸಮೃದ್ಧವಾಗಿದೆ. ಹಾಲ್ ಬಜಾರ್ ಮತ್ತು ಕೇಸರ್ ದಾ ಧಾಬಾ ಇಲ್ಲಿ ಭೇಟಿ ನೀಡಲೇಬೇಕಾದ ಸ್ಥಳಗಳಾಗಿವೆ.

ಇಂದೋರ್‌ನ ಬೀದಿ ಆಹಾರ, ಪೋಹಾ ಜಲೇಬಿಯಿಂದ ಹಿಡಿದು ಹತ್ತಾರು ಬಗೆಯ ಆಹಾರಗಳನ್ನು ಹೊಂದಿದೆ. ಸರಾಫಾ ಬಜಾರ್‌ಗೆ ಹೋದ್ರೆ ಮಿಡ್‌ನೈಟ್‌ವರೆಗೂ ನಿಮಗೆ ಸ್ಟ್ರೀಟ್‌ಫುಡ್‌ಗಳು ಇಲ್ಲಿ ಲಭ್ಯವಾಗುತ್ತವೆ.